بواسطة
هل الأفضل شراء سيارة أولاً أم تعلم القيادة أولاً ؟ و لماذا ؟

4 إجابة

بواسطة
 
أفضل إجابة
و هل تعلم القيادة يتم بسيارة معلم القيادة نفسه ؟ ثم بعد التعلم أشترى سيارة قديمة ؟
هو بيعلمك على عربية تابعة لمركز تعليم السواقة (غالبا بتكون عربية فيات 128) بس عادي ممكن يعلمك على اي عربية تملكها

و هل يمكن إختصار تلك الخطوة الأخيرة حيث أتعلم القيادة ثم أشترى السيارة الجديدة
لا طبعا مينفعش تختصر وتشتري عربية زيرو على طول الا اذا كانت فلوس العربية مش فارقه معاك
متفتكرش انك في الساعة او الساعتين اللي هتتعلم فيهم السواقة لمدة اسبوع ولا شهر انك هتكون كده خلاص اتعلمت السواقة!!

ده انت بتفضل طول عمرك تتعلم وتكتسب خبرة خصوصا في مصر اللي المرور فيها بالفهلوة
اللي هيعلمك السواقة هيعلمك ازاي تحرك الفتيس وتدوس بنزين ودبرياج والكلام ده
لكن في حجات مش هتتعلمها الا بالخبرة
مثلا انك تهدي عند كل تقاطع وتضرب كلاكس حتى لو انت ماشي في الرئيسي وانك تكون سايب مسافة امان بينك وبين العربية اللي ادامك(دي معروفة )
انك تهدي لو في اطفال على الطريق حتى لو بعيد عنك لانهم ممكن يجروا ادامك فجأة
ان الستات سواقتهم غبية شوية -معلش سامحوني- فيفضل انك تبعد عنهم قدر الامكان على الطريق أو تخليك حذر يعني
مثلا لو انت داخل على يوترن تخليك من جوه الطريق عشان يبقى سهل تلف
ان التجاوز من عاللمين خطر جدا فلو سواق استحمر وتجاوز من عاللمين ممكن يموت حد
ازاي تبقى مركز مع اشارات العربيات اللي قدامك وانت نفسك متنساش تدي اشارات
انك تحاول متخليش اي عربية تحجب الطريق عنك
انك تخلي بالك من كماين السرقة على الطرق الصحراوية
انك متمشيش على طرق مكسرة عشان متبهدلش عفشة العربية
لو حد كسر عليك تعمل ايه

وصلت الفكرة؟
تعلم القيادة مش انك تعرف ازاي تسوق بس
تعلم القيادة هو انك تعرف ازاي تسوق وتتعامل مع الطريق وتتعامل مع عربيتك

فزي مقولتلك انت بتفضل تتعلم طول عمرك لكن كفاية سنة على عربية قديمة تكون اكتسبت خبرة كويسة فتعرف تحافظ على العربية الزيرو
بواسطة
مؤكد تعلم السياقة .. فنحن لا نريد خسارتها .
بواسطة
تعلم وبعدين اشتري عشان ماتعدمها
بواسطة
تتعلم الاول طبعا! لو اشتريت من غير ما تتعلم هتكسر العربية وحتى لو معملتش حوادث هتبهدلها برضو لأن التعامل مع العربيات بيحتاج خبرة
مثلا لو انت جديد في السواقة أكيد هتدي غيارات غلط تبوظ الماكنة والموتور وهتضرب فرامل فجأة تبوظ العربية من تحت ومش هتبقى عارف امتى تغير زيت ولا فلاتر
فيفضل انك تشتري عربية قديمة الاول تتعلم فيها وتخبط فيها براحتك وبعدين تشتري الزيرو
مرحبًا بك في موقع الخبرة ، حيث يمكنك طرح الأسئلة وانتظار الإجابة عليها من المستخدمين الآخرين.
...