مش هتكلم على المنايفة
بس ان جيت للحق فى شراقوه كتير زى منت بتقول بل اغلبهم كدا
فى بيئة العمل دايما يلعب دور عصفورة المدير , ممكن يبيعك فى ثانية , حركات مش تمام
وممكن فى نفس الوقت يبقى كريم جدا مع ان دا مش يركب على دا
فى المقابل بتلاقى فى شراقوه غلابه لدرجة كبييره جدا وكرما لأبعد الحدود وفى الغالب هما دول اللى بينضحك عليهم
واللى بيكون متعقد من الشراقوه بيخلص حقو فى دول ودا ممكن يكون دافع يخليهم يتحولوا للنوع التانى
من جهة تانيه ممكن تلاقى بيئة الزراعه والفلاحه وجو العزب والاراضى والشقاء بيعلم حاجة زى كدا , ولو ان فى المحافظات التانيه فى فلاحين بردو مش كدا , بس بيقولك الحدود بترسم , وكمان بيئة العمل فى الارض طول الوقت مفيهاش جو الخيانه او خطر فقدان الوظيفة واعتقد لم بيروح بيئة عمل مختلفة بيبقى فيها مخاطر وظروف تانيه فبيبتدى يتصرف التصرفات البايخة اللى انت بتقول عليها من باب عدم الشعور بالامان والخوف من الاخرين او من فقدان الوظيفه او من باب التمرد يمكن
لكن دا بردوا ميخرجش برا اطار انه غلبان زيادة عن اللزوم وان تصرفه دا مجرد اندفاع وتهور وانه مش من خبث او نداله , بالظبط زى الطفل اللى تقوله خد حقك واضرب اللى يضربك تبص تلاقيه جايلك تانى يوم عامل مصيبة كبيرة , وانت مقلتلوش يعمل دا كلوا
بس تعالا عاشر واحد شرقاوى فى الجيش مثلا هتلاقى حاجة تانيه خالص لما تدوقوا الذل مع بعض فى الجيش بتبقى حاجة تانيه
طبعا انا مبحبش اتكلم عن الفروق بين المحافظات والاقاليم عشان معملش فتنه لان الكلام دا بردوا بيجيب زعل عند بعض الناس انما بالنسبالى عادى .